Quvonchlarim darz ketdi bir kun,
muhabbatning tori uzuldi.
Xiyonatning toshlari butun
tegib ishqning qasri buzildi.
Baxt deganim aylanib g'amga
topganlarim sarob bo'ldimi,
qanday chiday bunday sitamga
qolgan umrim azob bo'ldimi.
Umidlarim chil parchin qilib
nafratimga bo'ldinku duchor,
yig'layapti qadrim to'kilib
aytkin menda nima qasting bor.
Qiynalsada vayrona dilim
endi seni izlamay qo'ydim
qo'ymasada sadpora ko'nglim
asta sekin eslamay qo'ydim.
