хушхабарни унинг хали никоҳдан ўтмаган турмуш ўртоғи - Жерар Пике интернет орқали тарқатди. Колумбиялик хонанда Шакира ўғил фарзандлик бўлди. Бу ҳақда унинг севгилиси, "Барселона" футбол жамоаси ҳимоячиси Жерар Пике 28 декабрга ўтар кечаси ўзининг интернетдаги микроблогида ёзиб қолдирди. У шунингдек барча мухлисларга қўллаб- қувватлаганлари учун миннатдорчилик билдирган. 35 ёшли Шакира ва 25 ёшли футболчининг фарзанди қайси туғруқхонада дунёга келгани ва унга нима исм берилгани маълум қилинмаган. Ҳозирча Шакиранинг ўзи Facebook ва Twitter орқали алоқага чиқмаган ва мухлисларига бу янгилик ҳақида хабар бермаган. Шакира ва Жерар Пике 2010 йилнинг баҳор фаслидан буён учрашишади. Кейинроқ ушбу жуфтлик муносабатлари ҳақида расман эълон қилишди. 2012 йилнинг сентябрь ойида эса хонанда севгилисидан фарзанд кутаётганини эълон қилди. Янги туғилган чақалоқ уларнинг биринчи фарзанди саналади. Маълумотларга кўра, Шакира орадан бироз вақт ўтгач ўзининг янги мусиқий албомини тақдим этади. Унинг сўнгги албоми "Sale el Sol" 2010 йилда чиқарилган эди. Янги албом эса хонанда фаолиятидаги навбатдани саккизинчи диск бўлади.
